YOSH ASTRONOM

Samarqand viloyati, Samarqand tumanidagi "YOSH ASTRONOM" bolalar sog‘lomlashtirish oromgohi 7-14 yoshli bolalar uchun yozgi sog‘lomlashtirish oromgohi bo‘lib, Samarqand shahridan 15 km uzoqlikda, tog‘lar etagidagi ekologik toza hududda joylashgan. Ko‘p asrlik chinorlar va har xil manzarali daraxtlarga to‘la 6 gektar maydon ajoyib dam olish uchun qulay muhit yaratadi.

     Turar joylar qulayliklarga ega bo‘lib, 4-6-12-24 kishilik shinam xonalardan iborat. Ovqatlanish xonasida kuniga 5 maxal mazali va foydali taomlar taklif etiladi. Hududda xavfsizlikni ta’minlash uchun viloyat Ichki ishlar, Milliy gvardiya va Favqulodda vaziyatlar boshqarmasi xodimlari tunu-kun bolalar xavfsizligi uchun navbatchilik qilishadi.

     Har kuni tajribali yetakchilar va tarbiyachilar bolalar uchun turli xil mahorat darslari, ularning qiziqishlari bo‘yicha ijodiy va sport tadbirlarini o‘tkazadilar. Aktyorlik, musiqa, xoreografiya, robot-texnika, qo‘l san’atlari va rassomchilik shular jumlasidandir. Sport ixlosmandlari bizning sport maydonchalarimizda tennis, voleybol, basketbol va futbol bilan shug‘ullanishlari mumkin.

     Dam oluvchilarning ixtiyorida konsertlar va spektakllar joyi, o‘yin va sport maydonchalari, yozgi kinoteatr, kutubxona, basseyn va dam olish joylari mavjud. Har kuni oromgohda bolalar ishtirokida diskoteka, tanlovlar va ko‘ngilochar shoulardan iborat maxsus dasturlar tayyorlanadi.

     Biz Sizni "YOSH ASTRONOM" bolalar sog‘lomlashtirish oromgohida yozgi sarguzashtda kutamiz! 

     Smenalar 10-iyundan 31-avgustgacha bo‘lgan mavsumda 12 kunlik dastur asosida tashkillashtiriladi. 

     Biz Siz bolajonlarni oromgohimizda kutamiz!