SHIFOKOR

  “SHIFOKOR” oromgohi 7-14 yoshli bolalar uchun yozgi sog‘lomlashtirish oromgohi bo‘lib, Andijon shahridan 22 km uzoqlikda, Buloqboshi tumanidagi “Shirmonbuloq” dam olish maskanlari atrofida, tog‘lar yon bag‘ridagi ekologik toza hududda joylashgan. Ko‘p asrlik chinorlar va o‘zidan nafas yo‘llari uchun toza kislorod ishlab chiqaradigan archalarga boy hududdagi 9.2 gektar maydon ajoyib dam olish uchun qulay muhit yaratadi.

     Oromgohda bolajonlar uchun 6 ta yotoqxona binosi mavjud bo‘lib, binolar 40 nafar va 50 nafar bolajonlar uchun shinam xonalardan iborat. Ovqatlanish xonasida kuniga 5 mahal mazali va foydali taomlar taklif etiladi.

     Hududda xavfsizlikni ta’minlash uchun videokuzatuv tizimlari o‘rnatilgan. Ichki ishlar vazirligi, Milliy gvardiya va Favqulodda vaziyatlar vazirligi xodimlari tunu-kun bolalar xavfsizligi uchun navbatchilik qilishadi.

     Har kuni tajribali yetakchilar va tarbiyachilar bolalar uchun turli xil mahorat darslari, ularning qiziqishlari bo‘yicha ijodiy va sport tadbirlarini o‘tkazadilar: aktyorlik, musiqa, xoreografiya, qo‘l ishi san’atlari va boshqalar shular jumlasidandir.

     Sport ixlosmandlari bizning sport maydonchalarimizda tennis, voleybol, shaxmat-shashka, bandminton va futbol bilan shug‘ullanishlari mumkin.

     Dam oluvchilarning ixtiyorida konsertlar va spektakllar, o‘yin va sport maydonchalari, yozgi kinoteatr, kutubxona, basseyn va dam olish xonalari mavjud. Har kuni oromgohda bolalar ishtirokida diskoteka, tanlovlar va ko‘ngilochar shoulardan iborat maxsus dasturlar tashkil etiladi.

     Sizni “SHIFOKOR” bolalar sog‘lomlashtirish oromgohida yozgi sarguzashtda kutamiz!

     Smenalar 1 iyundan 31 avgustgacha bo‘lgan  oraliqda 12 kunlik dastur asosida tashkil etiladi.

     Biz bolajonlarni oromgohimizda kutamiz!