QUYOSHCHA

"QUYOSHCHA" bolalar sog‘lomlashtirish oromgohi maktabning boshlang‘ich va o‘rta sinf o‘quvchilari uchun dam olish maskani bo‘lib, Bo‘ston tumanidagi 145 gektarlik “Bo‘z” o‘rmon xo‘jaligi hududida, ya’ni Andijon viloyatidagi eng yirik o‘rmon xo‘jaligi bo‘limi hududida joylashgan, o‘ziga xos mikroiqlimga ega. Oromgoh hududida doimiy yengil shabboda esib turadi. Toza havoga ega yerlarda 50-yillik tarixga ega chinorlar, ko‘k teraklar va o‘rikzorlar bo‘lganligi sababli, oromgohning aksariyat qismi soya-salqinliklarni tashkil etadi.

     Turar joylarimiz barcha qulayliklarga ega. Oshxonamizda kuniga 5 maxal ovqat beriladi. Hududda xavfsizlikni ta’minlash uchun videokuzatuv tizimlari o‘rnatilgan.Ichki ishlar vazirligi, Milliy gvardiya va Favqulodda vaziyatlar vazirligi xodimlari tunu-kun bolalar xavfsizligi uchun navbatchilik qilishadi.

     Kunlik reja asosida tajribali yetakchilar va tarbiyachilar bolalar uchun turli xil mahorat darslari, ularning qiziqishlari bo‘yicha ijodiy va sport tadbirlarini o‘tkazadilar.

     Bolajonlar turli xil to‘garaklarimizga a’zo bo‘lib, rassomchilik, kashtachilik san’atini o‘rganishlari, moxir qo‘llar to‘garagida esa qo‘l mehnati bilan o‘yinchoqlar yasashlari mumkin bo‘ladi.

     Sport ixlosmandlari bizning sport maydonchalarimizda tennis, voleybol, basketbolva futbol bilan shug‘ullanishlari mumkin.

     Dam oluvchilarning ixtiyoridagi saxnamizda konsertlar va spektakllar saxnalashtirish, o‘yin va sport maydonchalarida miriqib o‘ynashlari, yozgi kinoteatrimizda kino va multfilmlar ko‘rishlari, kutubxonamizda qiziqarli kitoblar o‘qishlari, basseynda mazza qilib cho‘milishlari mumkin bo‘ladi.

     Har kuni oromgohda bolalar ishtirokida diskoteka, tanlovlar va ko‘ngilochar shoulardan iborat maxsus dasturlar tayyorlanadi.

     Sizni "QUYOSHCHA" oromgohida yozgi sarguzashtda kutamiz!

     Smenalar 1-iyundan 31-avgustgacha bo‘lgan 12 kunlik dastur asosida tashkillashtiriladi.

     Biz bolajonlarni oromgohimizda kutamiz!