QUYOSH NURI

"QUYOSH NURI" bolalar sog‘lomlashtirish oromgohida sport, ijod, tabiat, kitobxonlik, IT-darslik kabi tematik tadbirlar o‘tkaziladi. Bu bolalarga o‘zlarini turli sohalarda sinab ko‘rish hamda turli to‘garaklar va sevimli mashg‘ulotlarda o‘zlarini rivojlantirish imkonini beradi.

     Bolalar kuniga besh maxal issiq va shirin ovqatlardan bahramand bo‘ladilar.

     Oromgoh dasturi qiziqarli joylarga sayohatlarni o‘z ichiga oladi. Bu  bolalarning dunyoqarashini kengaytirish va atrofdagi dunyo haqida yangi bilimlarga ega bo‘lish imkonini beradi. Vatanparvarlik tadbirlari doirasida harbiylar, Ichki ishlar vazirligi, Milliy gvardiya va Favqulodda vaziyatlar vazirligi xodimlari bilan uchrashuvlar tashkil etiladi.

     Oromgoh barcha zarur xavfsizlik va salomatlik standartlariga javob beradi. Biz bolajonlarni oromgohda vaqtlarini maroqli o‘tkazishlarini kafolatlaymiz!

     Oromgohdagi muhit 7-14 yoshli bolalar uchun ajoyib dam olish va sog‘lomlashtirish imkoniyatini beradi. Oromgohning sig‘imi 150 nafar bolani tashkil etadi. 8 gektar maydonda shinam turar joylar, bog‘, sport maydonchalari, konsertlar sahnasi va basseyn mavjud. Tajribali yetakchi va tarbiyachilar bolalar uchun turli xil mahorat darslari, o‘yinlar, sayohatlar va kechki tadbirlarni o‘tkazadilar.

     Yoz mavsumida biz bilan birga bo‘ling!

     Turar joylar qulayliklarga ega, 2 kishilik alohida xonalardan iborat bo‘lib, har bir xona jihozlangan. Yozgi mavsum davomida Ichki ishlar, Milliy gvardiya va Favqulodda vaziyatlar vazirligi xodimlari tomonidan oromgohda dam oluvchilarning xavfsizligi uzluksiz ta’minlanadi.

     Oromgoh 4-iyundan 10-avgustgacha bo‘lgan davrda 5 ta smenada faoliyat yuritadi va har bir smena 12 kunlik dastur asosida tashkillashtiriladi.

     Bolajonlarni ta’til vaqtida maroqli dam olish uchun oromgohimizda kutib qolamiz!