Bolalar oromgohlari

JAYXUN QUYOSHI

Xorazm viloyati | Navroʻz mahallasi Oltin Boshoq ko'chasi 3-uy

10.0 (0)

7-14 yoshli bolalar uchun yozgi mavsumiy sog‘lomlashtirish oromgohi bo‘lib, Xorazm viloyati markazidan 35 km uzoqlikda, Shovot kanali yaqinidagi hududda joylashgan.

“JAYXUN QUYOSHI” oromgohi 7-14 yoshli bolalar uchun yozgi mavsumiy sog‘lomlashtirish oromgohi bo‘lib, Xorazm viloyati markazidan 35 km uzoqlikda, Shovot kanali yaqinidagi ekologik toza, tabiati so‘lim bo‘lgan hududda joylashgan. Ko‘p yillik gujum, terak hamda boshqa mevali va manzarali daraxtlarga boy bo‘lgan 5 gektar maydon ajoyib dam olish uchun qulay muhit yaratadi.

Oromgoh zamonaviy talablar asosida qurilgan yotoqxona binolariga ega bo‘lib, 8-10 kishilik shinam va salqin xonalar bolalarning qulay yashashi uchun to‘liq jihozlangan. Ovqatlanish binosida kuniga 5 mahal mazali va foydali, vitaminlarga boy bo‘lgan taomlar taklif etiladi. Hududda xavfsizlikni ta’minlash uchun videokuzatuv tizimlari o‘rnatilgan hamda Ichki ishlar vazirligi, Milliy gvardiya va Favqulodda vaziyatlar vazirligi xodimlari tunu-kun bolalar xavfsizligi uchun navbatchilik qilishadi.

Har kuni tajribali yetakchilar va tarbiyachilar bolalar uchun turli xil mahorat darslari, ularning qiziqishlari bo‘yicha ijodiy va sport tadbirlarini o‘tkazadilar: aktyorlik, musiqa, xoreografiya, robototexnika, qo‘l san’atlari, va boshqalar. Sport ixlosmandlari bizning sport maydonchalarimizda tennis, voleybol, basketbol va futbol bilan shug‘ullanishlari mumkin. Piyoda yurish uchun oromgoh hududida maxsus yo‘lakchalar tashkil qilingan.

Dam oluvchilarning ixtiyorida konsertlar va spektakllar tomosha qilish joylari, o‘yin va sport maydonchalari, yozgi kinoteatr, kutubxona, kompyuter xonalari, basseyn va dam olish joylari mavjud. Har kuni oromgohda bolalar ishtirokida kechki diskoteka tadbirlari, tanlovlar va ko‘ngilochar shoulardan iborat maxsus dasturlar tayyorlanadi. Bu bolalarga o‘zlarini turli sohalarda sinab ko‘rish va turli to‘garaklar va sevimli mashg‘ulotlarda o‘zlarini rivojlantirish imkonini beradi.

Oromgoh dasturi qiziqarli joylarga sayohatlarni o‘z ichiga oladi, bu bolalarning dunyoqarashini kengaytirish va atrofdagi yangi tarixiy bilimlarga ega bo‘lish imkonini beradi.

Sizni “JAYXUN QUYOSHI” oromgohimizda yozgi sarguzashtda kutamiz!

Smenalar 1-iyundan 31-avgustgacha bo‘lgan mavsumda 12 kunlik dastur asosida tashkillashtiriladi.

Biz bolajonlarni oromgohimizda kutib qolamiz!