BOLALAR SAYYORASI

Oromgoh dam oluvchilari uchun tajribali yetakchi va tarbiyachilar tomonidan mavsum davomida turli xil to‘garaklar mahorat darslari, o‘yinlar, sayohatlar va kechki tadbirlar tashkillashtiriladi. Bolalar sog‘lomlashtirish oromgohi turli xil dasturlarni, shu jumladan ko‘ngilochar, madaniy-ma’rifiy va sport tadbirlarini taklif etadi. Smena davomida bolalar faol va intellektual intensiv muhitda vaqt o‘tkazish imkoniyatiga ega bo‘ladilar. Oromgoh jamoasi bolalar xavfsizligini ta’minlaydigan va turli tadbirlarni olib boradigan tajribali professional xodimlardan iborat.

     “BOLALAR SAYYORASI” oromgohida sport, ijod, tabiat, kitobxonlik, IT va boshqa tematik tadbirlar o‘tkaziladi. Bu bolalarga o‘zlarini turli sohalarda sinab ko‘rish, turli to‘garaklar va sevimli mashg‘ulotlarda o‘zlarini rivojlantirish imkonini beradi.

     Oromgoh dasturi turizm sayohatlarni o‘z ichiga oladi. Bu bolalarga o‘z dunyoqarashini kengaytirish va atrofdagi dunyo haqida yangi bilimlarga ega bo‘lish imkonini beradi. Bolalar ishtirokida harbiylar, ichki ishlar va Milliy gvardiya xodimlari bilan vatanparvarlik tadbirlari hamda uchrashuvlar tashkil qilinadi.

     Oromgoh barcha zarur sanitariya-gigiyena va xavfsizlik standartlariga javob beradi. Biz bolajonlarni oromgohda bo‘lganlarida vaqtlarini maroqli o‘tkazishlarini kafolatlaymiz.

     Yoz mavsumida biz bilan birga bo‘ling!

     Yozgi mavsum davomida Ichki ishlar, Milliy gvardiya va Favqulodda vaziyatlar hodimlari tomonidan oromgoh dam oluvchilarining xavfsizligi uzluksiz ravishda ta’minlanadi.

     Smenalar 4-iyundan 10-avgustgacha bo‘lgan davrda 5 ta smenada faoliyat yuritadi. Barcha tadbirlar 12 kunlik dastur asosida yuqori saviyada tashkillashtiriladi.

     Bolajonlarni ta’til vaqtida maroqli dam olish uchun oromgohimizda kutib qolamiz!