BILIMDON

Farg‘ona viloyatidagi “BILIMDON” bolalar oromgohi Farg‘ona tumani Log‘on qishlog‘ining so‘lim va baxavo joyida, Farg‘ona shahridan 15 km masofada joylashgan.

Oromgoh bir smenada  7-14 yoshdagi  200 nafar bolalarni qabul qilish imkoniyatiga ega. Oromgoh hududi umumiy 9 gektardan ziyodroq bo‘lib, uning hududidagi bog‘da turli mevali va manzarali daraxtlar mavjud. Oromgohda zamon talablariga javob beradigan yotoqxonalar, oshxona, sport maydonlari, basseyn, kutubxona va amfiteatr mavjud.

Yotoqxonalarning barchasi konditsioner va televizor bilan jixozlangan, xojatxona va yuvinish xonalari bino ichida joylashgan.     Oromgohda bolalar uchun alohida to‘garaklar binosi mavjud bo‘lib, u yerda 10 dan ortiq zamonaviy to‘garaklar faoliyat olib olib boradi.    Oromgohga har yilgi mavsumda tajribali tarbiyachi va pedagoglar jalb etiladi. Oromgohda 24/7 tartibida qo‘riqlash va tibbiy xizmatlar yo‘lga qo‘yilgan.

 Bolalarga 12 kunlik dastur bo‘yicha har kuni tadbirlar, tanlovlar va ko‘ngilochar shoulardan iborat maxsus dasturlar tayyorlanadi. Ushbu dasturlar bolalarning dunyoqarashini kengaytirish va atrofdagi yangi tarixiy bilimlarga ega bo‘lish imkonini beradi.

Bolajonlar uchun eng qiziqarli, quvnoq va esda qolarli yozgi dam olish “BILIMDON” oromgohda!

Bu yerda bolajonlarini yangi do‘stlar, hayajonli sarguzashtlar, o‘yin-kulgilar va unutilmas taassurotlar kutmoqda!

Tabiat qo‘ynida mazmunli hordiq, sport o‘yinlari, ijodiy mashg‘ulotlar va quvnoq musobaqalar – barchasi faqat sizning farzandlaringiz uchun!