Bolalar oromgohlari

BAHORA

Samarqand viloyati | Omon-Quton qishlog'i

70.0 (0)

Samarqand viloyati, Urgut tumanidagi "BAHORA" oromgohi Urgut tumani Omonqo‘ton qishlog‘ining go‘zal hududida joylashgan bo‘lib, 7-14 yoshli bolalar uchun ajoyib dam olish va sog‘lomlashtirish imkoniyatini beradi.

"BAHORA" oromgohi 7-14 yoshli bolalar uchun yozgi sog‘lomlashtirish oromgohi bo‘lib, Samarqand shahridan 45 km uzoqlikda, tog‘lar etagidagi ekologik toza hududda joylashgan. Ko‘p asrlik chinorlarga boy 7,5 gektar maydon ajoyib dam olish uchun qulay muhit yaratadi.

Turar joylar barcha qulayliklarga ega bo‘lib, 22-40 kishilik shinam xonalardan iborat. Ovqatlanish xonasida kuniga 5 maxal mazali va foydali taomlar taklif etiladi. Hududda xavfsizlikni ta’minlash uchun videokuzatuv tizimlari o‘rnatilgan hamda viloyat Ichki ishlar, Milliy gvardiya va Favqulodda vaziyatlar boshqarmasi xodimlari tunu-kun bolalar xavfsizligi uchun navbatchilik qilishadi.

Har kuni tajribali yetakchilar va tarbiyachilar bolalar uchun turli xil mahorat darslari, ularning qiziqishlari bo‘yicha ijodiy va sport tadbirlarini o‘tkazadilar, jumladan aktyorlik, musiqa, xoreografiya, robototexnika, qo‘l san’atlari va boshqalar. Sport ixlosmandlari bizning sport maydonchalarimizda tennis, voleybol, basketbol va futbol bilan shug‘ullanishlari mumkin.

Dam oluvchilarning ixtiyorida konsertlar va spektakllar uchun joy, o‘yin va sport maydonchalari, yozgi kinoteatr, kutubxona, basseyn va dam olish joylari mavjud. Har kuni oromgohda bolalar ishtirokida diskoteka, tanlovlar va ko‘ngilochar shoulardan iborat maxsus dasturlar tayyorlanadi.

Sizni "BAHORA" oromgohida yozgi sarguzashtda kutamiz!

Smenalar 10-iyundan 31-avgustgacha bulgan mavsumda 12 kunlik dastur asosida tashkillashtiriladi.

Biz bolajonlarni oromgoximizda kutamiz!