Bolalar oromgohlari

CHOTQOL

Toshkent viloyati | Yusufxona qishlog'i

90.0 (0)

CHOTQOL — Unutilmas yozning manzili! Toshkent viloyatining Bo‘stonliq tumanida, tabiatning qo‘ynida joylashgan Yusufxona qishlog‘idagi “CHOTQOL” bolalar oromgohi har yili minglab bolalar uchun quvonch va ilhom manbai bo‘lib xizmat qiladi.

Dengiz sathidan 1230 metr balandlikda, sof havo va go‘zal manzaralar bag‘rida joylashgan oromgoh 1986-yildan buyon faoliyat yuritib kelmoqda. Har yoz mavsumida oromgoh 2000 nafardan ortiq bolani qabul qilib, ularga sog‘lom va foydali hordiq berish imkonini yaratadi.

Qulaylik va imkoniyatlar 500 nafar bola uchun mo‘ljallangan shinam turar joylar, 18 gektar maydonda joylashgan sport maydonchalari, konsertlar sahnasi, 12×25 va 12×6 mo‘ljallangan zamonaviy filtrli basseynlar — bularning barchasi “CHOTQOL”da mavjud.

Bolalar uchun boy dastur Tajribali yetakchilar va tarbiyachilar har kuni bolalar uchun qiziqarli va rivojlantiruvchi mashg‘ulotlar tashkil qiladilar. Ularning qiziqishlariga qarab quyidagi yo‘nalishlarda mahorat darslari o‘tkaziladi:

Aktyorlik va xoreografiya

Musiqa va qo‘l mehnati

Robototexnika va ijodiy loyihalar

Shuningdek, sport ixlosmandlari uchun tennis, voleybol, basketbol va futbol bo‘yicha mashg‘ulotlar tashkil etilgan. Qomatni to‘g‘rilash va sog‘lomlashtiruvchi mashg‘ulotlar ham dasturimizda muhim o‘rin tutadi.

Til o‘rganish va muloqot Bolalar rus, ingliz va o‘zbek tillarida o‘tkaziladigan darslar, o‘yinlar va ekskursiyalar orqali nafaqat bilim, balki do‘stlar va iliq xotiralar orttiradilar.

CHOTQOL bilan har yoz – yangi sayohat! Siz ham farzandingizga xavfsiz, ilhomli va foydali yoz mavsumini sovg‘a qilmoqchimisiz? Unda “CHOTQOL” oromgohi — eng to‘g‘ri tanlov!