AMUDARYO

  “AMUDARYO” bolalar sog‘lomlashtirish oromgohi 7-14 yoshli bolalar uchun yozgi sog‘lomlashtirish oromgohi bo‘lib, Termiz shahrining chekkasida, Surxondaryo daryosining bo‘yida joylashgan. Mevali va manzarali daraxtlar, turli-tuman  anvoyi gullar bilan o‘ralgan 7 gektar maydon ajoyib dam olish uchun qulay muhit yaratadi.

     Turar joylar qulayliklarga ega, 2-4 kishilik shinam xonalardan iborat. Ovqatlanish oshxonasida kuniga 5 maxal mazali va foydali taomlar taklif etiladi. Hududda xavfsizlikni ta’minlash uchun videokuzatuv tizimlari o‘rnatilgan hamda Ichki ishlar, Milliy gvardiya va Favqulodda vaziyatlar boshqarmasi xodimlari tunu-kun bolalar xavfsizligi uchun navbatchilik qilishadi.

     Jamoamizdagi yetakchi va tarbiyachilar imtihon asosida ishga qabul qilingan bo‘lib, optimist, o‘z ishiga mas’uliyat bilan yondashishi bilan birga rus va ingliz tillarini mukammal biladigan yosh va serg‘ayrat kadrlardan iborat. Har kuni yetakchilar va tarbiyachilar tomonidan bolalar uchun turli xil mahorat darslari, ularning qiziqishlari bo‘yicha ijodiy va sport tadbirlari o‘tkaziladi. Kompyuter savodxonligi, robototexnika, milliy hunarmandchilik, o‘g‘il bolalar uchun sartaroshlik, kosibchilik, qiz bolalar uchun kashtachilik, to‘quvchilik, qandolatchilik shular jumlasidandir. Sport ixlosmandlari bizning sport maydonchalarimizda tennis, voleybol, basketbol va futbol bilan shug‘ullanishlari mumkin. Shahar atrofidagi ko‘ngilochar joylarga va ziyoratgohlarga ekskursiyalar uyushtiriladi.

     Dam oluvchilarning ixtiyorida konsertlar va spektakllar, o‘yin va sport maydonchalari, yozgi amfiteatr, kutubxona, basseyn va dam olish joylari mavjud. Har kuni oromgohda bolalar ishtirokida diskoteka, tanlovlar va ko‘ngilochar shoulardan iborat maxsus dasturlar tayyorlanadi.

     Sizni “AMUDARYO” bolalar sog‘lomlashtirish  oromgohi da yozgi sarguzashtda kutamiz!

     Smenalar 1-iyundan 31-avgustgacha bo‘lgan mavsumda 12 kunlik dastur asosida tashkillashtiriladi.

     Biz bolajonlarni oromgohimizda kutamiz!